Han una nga panahon, gintinguha han aton mga kag-anak ug kaapuy-apoyan an pagpariko han aton kalugaringon nga yinaknan-- an Waray-waray. Waray nira iba nga inop kundi an paghatag hin maupay pamation nga yinaknan para han masunod nga henerasyon. Bunga hini, nagka may-ada kita hin usa nga linggwahe nga usa han mga nangunguna ngan damo an nagamit ha bug-os nga nasod han Pilipinas.
An pagkalakip han Waray nga linggwahe ha napulo nga nangunguna nga mga yinaknan han Pilipinas in usa nga butang nga angay naton igparayaw ha iba nga dapit han aton nasod. Angay kita magpasalamat nga sugad han Tagalog ug Cebuano, an Waray ginkikilala gihap nga usa nga pinakagamhanan nga yinaknan.
Pero ha paglakat han mga panahon, hinay-hinay na nga nahihingalimtan han bag-o nga henerasyon an mga ginkapuyan ngan ginsakripisyuhan han aton mga kaapuy-apoyan. An bag-o nga mga tubo han kabataan haros dire na gumamit ngan magyakan han Waray nga linggwahe. Mas igindadsig pa nira nga hibati-an hira nga nagyayakan han Filipino, English ngan Taglish.
Dire gad ako nasugad nga hingalimtan na an Filipino kay aton man ngani ini kalugaringon gihapon. An Filipino an atong tinatawag nga "PambansangWika." Pero dapat liwat naton higugma-on an Waray sugad man ug labaw pa han aton paghigugma han iba nga mga yinaknan.
Nakakasubo huna-hunaon nga an mga kabataan yana dire maaram kun ano an tinatawag nga siday ngan mga darahonon. Pero kun pakianhan mo hira kun ano it poem, proverbs, riddles, songs ngan story, maaram hira hiton baton.
Pero ha luyo hini nga kamatuoran, dapat liwat kita magpasalamat nga mayda la gihapon pipira nga naghahatag hin dako nga paghigugma ngan importansya ha Waray. Hira an aton kalugaringon nga mga manunurat nga nagtitinguha ipaabot ha aton an ira maghusay ngan bulawanon nga mga panlantaw pinaagi han ira mga istorya ngan siday.
Gintinguha ko nga abrihan ngan ipakita ha publiko ini nga blog site para iyo ngatanan hibaruan nga an mag-upay nga mga istorya ngan panlantaw dire la mababasa ha iba nga mga yinaknan. Gusto igpakita ngan igpaabat ha iyo nga mas maupay basahon an Waray nga mga sinurat labaw pa han iba nga linggwahe.
Hinaot kunta nga iyo ini suportahan ngan igpasarang an maupay nga pulong mahiunong hini nga blog site. Igparayaw naton nga kita Waray-waray!
An pagkalakip han Waray nga linggwahe ha napulo nga nangunguna nga mga yinaknan han Pilipinas in usa nga butang nga angay naton igparayaw ha iba nga dapit han aton nasod. Angay kita magpasalamat nga sugad han Tagalog ug Cebuano, an Waray ginkikilala gihap nga usa nga pinakagamhanan nga yinaknan.
Pero ha paglakat han mga panahon, hinay-hinay na nga nahihingalimtan han bag-o nga henerasyon an mga ginkapuyan ngan ginsakripisyuhan han aton mga kaapuy-apoyan. An bag-o nga mga tubo han kabataan haros dire na gumamit ngan magyakan han Waray nga linggwahe. Mas igindadsig pa nira nga hibati-an hira nga nagyayakan han Filipino, English ngan Taglish.
Dire gad ako nasugad nga hingalimtan na an Filipino kay aton man ngani ini kalugaringon gihapon. An Filipino an atong tinatawag nga "PambansangWika." Pero dapat liwat naton higugma-on an Waray sugad man ug labaw pa han aton paghigugma han iba nga mga yinaknan.
Nakakasubo huna-hunaon nga an mga kabataan yana dire maaram kun ano an tinatawag nga siday ngan mga darahonon. Pero kun pakianhan mo hira kun ano it poem, proverbs, riddles, songs ngan story, maaram hira hiton baton.
Pero ha luyo hini nga kamatuoran, dapat liwat kita magpasalamat nga mayda la gihapon pipira nga naghahatag hin dako nga paghigugma ngan importansya ha Waray. Hira an aton kalugaringon nga mga manunurat nga nagtitinguha ipaabot ha aton an ira maghusay ngan bulawanon nga mga panlantaw pinaagi han ira mga istorya ngan siday.
Gintinguha ko nga abrihan ngan ipakita ha publiko ini nga blog site para iyo ngatanan hibaruan nga an mag-upay nga mga istorya ngan panlantaw dire la mababasa ha iba nga mga yinaknan. Gusto igpakita ngan igpaabat ha iyo nga mas maupay basahon an Waray nga mga sinurat labaw pa han iba nga linggwahe.
Hinaot kunta nga iyo ini suportahan ngan igpasarang an maupay nga pulong mahiunong hini nga blog site. Igparayaw naton nga kita Waray-waray!
Posts
0 Comments:
Post a Comment